المسيح
عبد الرحمن الابنودى
يا كلمتي لفي ولفي الدنيا طولها وعرضها
وفتحي عيون البشر للي حصل على أرضها
على أرضها طبع المسيح قدم
على أرضها نزف المسيح ألم
في القدس في طريق الالام
وفي الخليل رنت تراتيل الكنايس
وفي الخلا صبح الوجود إنجيل
تفضل تضيع فيك الحقوق لامتى لامتى
يا طريق الالام .... يا طريق الالام .........يا طريق الالام
وينطفي النور في الضمير وتنطفي نجوم السلام
يا طريق الالام
ولامتى يمشي فيك جريح
ولامتى فيك يفضل يصيح
مسيح وراه مسيح وراه مسيح
على أرضها
تاج الشوق فوق جبينه وفوق كتفه الصليب
دلوقت يا قدس ابنك زي المسيح غريب غريب
تاج الشوق فوق جبينه وفوق كتفه الصليب
خانوه خانوه نفس اليهود
ابنك يا قدس زي المسيح لازم يعود
على أرضها
المصدر : منتديات مجالس الوفاء :: مجلس أدب وشعراء:: مجلس الشاعر عبد الرحمن الابنودي