على حسب وداد قلبى
عبد الرحمن الابنودى
على حسب وداد قلبي يا بوي .. راح أقول للطير سلامات
ضيعت عليه العمر يا بوي .. وأنا لي معاه حكايات
على حسب وداد قلبي يا بوي
موال الصبر أهو داب .. من يوم الحب ما غاب
ولا عمري يا عين يا ليل يا عين .. يا ليل ما تقرب لينا أحباب
وأنا صابر على المقسوم .. يمكن يرجعلي في يوم
وتكون لي معاه تاني يا بوي .. أيام حلوة وحكايات
على حسب وداد قلبي يا بوي
على حسب الريح ما يودي الريح ما يودي
وياه أنا ماشي ماشي .. ماشي ولا بيدي
معرفش إن كنت مروح .. ولا إمتى الهوى هايهدى
وأهي دنيا بتلعب بينا .. يمكن ترجع غناوينا
وتكون لي معاه تاني يا بوي.. أيام حلوة وحكايات
على حسب وداد قلبي يا بوي
لا هاسلم بالمكتوب .. ولا هارضى أبات مغلوب
وحقول للدنيا يا دنيا .. أنا راجع أنا راجع للمحبوب
ونغني أغاني جديدة .. مليانه حكاوي سعيدة
ونغزل توب الفرحة يا بوي .. وأقول يا حبيبي سلامات
سلامات .. سلامات .. سلامات
على حسب وداد قلبي يا بوي
المصدر : منتديات مجالس الوفاء :: مجلس أدب وشعراء ::
مجلس الشاعر عبد الرحمن الابنودي
مجلس الشاعر عبد الرحمن الابنودي
موضوع: عبد الرحمن الابنودى على حسب وداد قلبى / بقلم هيا الفهد 
