المجتمع
المجتمع ليام دى مسـكين ، عنده برد ،
مـزكـوم ، وحـالتــه بـالـقوا ،
فـى الاجزاخـانه شفتـه بيجيب الدوا ..
وســـأل على منــاديــل ورق ،
وحشـر فى جيبـه منهــا طــرد ،
أصله – يا عينى – قبل ما يروح السبق ،
خد دش سخن ، وتنه خارج فى الهوا ..
بقــى ده كــــلام ؟
مع انـى يـامـا قلت له : يا مجتمـع ،
شوف صـحتك ، وماتفتكرش إنك جدع ،
الـجـو بــرد مش تمـام ،
بـلاش أمـور الشيطنه ،
بــلاش دلــع ،
واوصف له حالة الجو تانى ، وأنصحه ..
يـقـول لـى : سيبــك ، جو إيه ؟
بـــونـجــــور يــا بيـه ..
ماتقول لمصـلحة السياحـة ، تصـلحه !
آدى يـا سيـــــــدى المــجتمع !
المصدر : منتديات مجالس الوفاء :: مجلس أدب وشعراء :: مجالس الشاعر صلاح جاهين
موضوع: (من ازجال صلاح جاهين) المجتمع / بقلم الابجر 
